БІРІНҒАЙ ЖАЛПЫРЕСПУБЛИКАЛЫҚ АТА-АНАЛАР ЖИНАЛЫСЫ Жаңа оқу жылында балаларды оқыту туралы
«Ескелді ауданы әкімдігінің Т.Рүстембеков атындағы орта мектебі мектепке дейінгі шағын орталығымен» кмм 10а сынып ата- аналарының жиналысының
№ 1 хаттамасы
20 тамыз 2020 жыл
Қатысқан ата- ана- 10
Қатыспағаны- -
Күн тәртібі:
1. Бейіндік оқытуды жүзеге асыру
2. Қашықтықтан оқытуды ұйымдастыру
3. Ата- аналар комитетін сайлау.
Тыңдалды:
Бірінші мәселе бойынша оқу ісі жөніндегі орынбасары К.Г.Таженова сөз сөйледі. Ол өз сөзінде 2020-2021 оқу жылында Қазақстан Республикасының жалпы білім беретін орта мектептерінде міндетті оқу пәндері мен таңдау бойынша бейінді оқу пәндерін ұштастыру негізінде жаратылыстану-математикалық, қоғамдық-гуманитарлық бағыттар бойынша бейіндік оқытуды жүзеге асырылатынын айтты. Жалпы орта білім берудің мақсаты – білім алушылардың жоғары оқу орнында білім беруді жалғастыруға академиялық дайындығын қамтамасыз ету және кең ауқымдағы дағдыларды дамыту негізінде кәсіптік өзін-өзі анықтау үшін қолайлы білім беру кеңістігін құру.Жалпы орта білім берудің негізгі міндеттері:
Міндетті оқу пәндері мен таңдау бойынша бейінді оқу пәндерін ұштастыру негізінде жаратылыстану-математикалық, қоғамдық-гуманитарлық бағыттар бойынша бейіндік оқытуды жүзеге асыру.
Жоғары оқу орындарына түсу үшін білім алушылардың академиялық дайындығын қамтамасыз ету.
Бітірушілердің қызығушылықтары мен қабілеттеріне сәйкес олардың кәсіби өзін-өзі анықтауына ықпал ету.Осыған байланысты мектебімізде 10 -сыныпта оқушылардың өздерінің таңдаған бағытында оқып білім алу ұйымдастырылатынын айтты.
Жарыссөзге шыққан ата-ана Қазай Б. біз балаларымыздың өздерінің таңдауына байланысты қоғамдық- гуманитарлық бағытта оқуына қарсы емеспіз. Қазір заман күнде өзгеріп жатыр. Ағылшын тілінде оқып, еркін сөйлей білсе өздеріне жақсы. Бұл олардың болашағына қажет нәрсе.
Екінші мәселе бойынша ата- аналарға қашықтықтан оқуға арналған жадынамалар айтылып, таныстырылым жасалды.
сабақтың басталу уақыты ..... (кейін хабарланады);
- сабақ кестесі оқушының жұмыс орнына (көрінетін) жақын жерде болуы керек;
- сабақтар қатаң түрде уақытында өткізіледі (кесте бойынша);
- компьютер (телефон) толығымен зарядталған болуы тиіс, кешке дайындап қойған жөн;
Нұсқауларға назар аударыңыз…..
- оқушы мұғалімнің нұсқауларын қатаң орындауы керек;
- мұғалімге сұрақтар сабақтың түсіндірмесінен кейін, яғни мұғалім сұраған кезде ғана қойылады;
- сабақты түсіндіру кезінде ата-аналар мен балаларға чатта жазуға тыйым салынады;( тек дыбыс болмай, естілмей қалған жағдайда ғана рұқсат беріледі)
Үшінші сұрақ бойынша Қазай Бижами Нугманова Света- төрайымы., Жылай Жамалхан, Әкрамбек Бисараны мүшелері етіп тағайындауды ұсынды. Ұсыныс бірауыздан қабылданды.
Шешім:
1.10а сынып оқушылары өз таңдаулары бойынша қоғамдық-гуманитарлық бағытта оқытылсын.
2.Үй жағдайында оқушылардың қашықтықтан оқуын ұйымдастыру ата- аналарға тапсырылсын.
3.Төмендегі ата- аналар комитетінің мүшелері болып сайлансын.
Нугманова Света- төрайымы.,
Жылай Жамалхан,
Әкрамбек Бисара.- мүшелері
Сынып жетекшісі: Көмекбаева А.А.
Хатшы: Нугманова С.