1-қазан Халықаралық «Қарттар күні» мерекесіне 5 «а» сынып оқушылар арасында «Ата – әулеттің тірегі, әже – ұрпақтың жүрегі» атты ашық тәрбие сағаты өтті.

Сынып жетекшісі Керимбекова Л.А.Тәрбие сағатының мақсаты: жас жеткіншектердің бойына  отбасының қос шынары – ала таудай атасы және аналардың анасы – әженің адам өмірінде алатын орнын, оларға құрмет көрсету – халықтық дәстүр екендігін ұғындыру, адамгершілікке, инабаттылыққа және мейірімділікке тәрбиелеу. Оқушылар ардақты аналар, ұлағатты ұстаздарымыз Көптілеуова Күлтжамал Мұхатанқызы мен Абдильденова Гүлбаршын Баяханқызын қошеметпен қарсы алды. Тәрбие сағатымыз жүргізушілердің сөзімен басталды. Оқушылар келген қонақтарға өлең жолдарын жолдады.Оқушыларды толғандыратын сұрақтар да болды.  «Қазақтың инабатты қызы» және «Қазақтың ұлы қандай ата дәстүрді білуі керек» деген сұрақтарға Күлтжамал Мұхатанқызы жауап берсе, Гүлбаршын Баяханқызы «Дос табу – ақылдыға қиын, ақымаққа оңай»деген сұраққа жауап берді.5 «а» сынып қыздары ән айтып,  би билеп өз өнерлерін көрсетті.Оқушылар өз тілектерін айтып, гүл шоқтарын берді.Тәрбие сағатымыздың соңында «Батамен ел көгерер, жауынмен жер көгерер» демекші, қарттарымыз оқушыларға ақ баталарын берді.