Елбасы Н.Назарбаевтың «Болашаққа бағдар: рухани жаңғырту» атты бағдарламалық мақаласы аясында өткізілген Қапал өңіріндегі «Тамшыбұлақ» шипалы бұлаққа жасалған экскурсия

Елбасы Н.Назарбаевтың «Болашаққа бағдар: рухани жаңғырту» атты бағдарламалық мақаласы аясында өткізілген Қапал өңіріндегі «Тамшыбұлақ» шипалы бұлаққа жасалған

экскурсия 

                                                                                                                                    05.10.2019 жыл

Қазан айының бесінші жұлдызында, Т.Рүстембеков атындағы орта мектебінің 7 «А», 8 «А»,  9 «А» сынып оқушылары сынып жетекшісі  М.Т. Байбатчаева, А.А Комекбаева, А.Б. Мансуровамен бірге, Елбасы Н.Ә.Назарбаевтың бастап кеткен «Болашаққа бағдар: рухани жаңғыру» бағдарламасын қолдау  мақсатында Қапал өңірінде  керемет табиғат аяысынан орын алған, сонау сан жылдар бойы қасиетін жоғалтпаған «Тамшыбұлақ» шипалы бұлағына саяхатқа барып қайттық. Бұл саяхаттың мақсаты жас ұрпақ  бойында Отанының, туған елінің,  жерінің құндылықтарын бағалай отырып, оны қорғауға, сүйе білуге баулу. Сонымен қатар, саналы, салауатты, сауатты ұрпақ болып қалыптасуына әсер ету еді.

         Саяхат барысында  бұлақтың қаншама дертке дауа екендігін, оның қасиеті мен шипасын зерттеу үшін өзге мемлекеттерден жыл сайын ғалымдар, саяхатшылар  келіп зерттеу жүргізіп жататындығын ғаламтор желісі арқылы танысып келген оқушыларымыз қара топырақ арасын қақ жарып, сылдырлап ағып жатқан тастай салқын, тұп-тұнық мөлдір бұлақ суының құпиясына қызыға да, таңғала қарады. 

        Балалар әр тамшының жер қыртысынан қалай тамып жатқанын өз көздерімен көріп, өздерінше болжам жасап жатты. Оқушылар шипалы бұлақ суының дәміне шөлдерін қандыра алмай, қайта-қайта ішумен болды және де өздерімен алып келген құтыларын толтырып та алды.

Оқушыларымыз экскурсиядан  керемет әсер алып қайтты деуге болады. Қасиетті Жер Ананың берген баға жетпес құдылығын көздің қарашығындай қастерлеп, мәпелеу керек екендігін түсінгендерін саяхаттан кейінгі оқушылардың алған әсерлерінен байқалды. Экускурсиядан кейін оқушыларымыздың тірі табиғат иесіне, қоршаған ортаға деген қызығушылықтары арта түсті және болашақта тарихи-географиялық зерттеу жұмыстарын жүргізуге белсенділік танытып, өз үлестерін қоса алатындарын сеніммен айтуға болады. Бұл саяхаттың оқушыларымызға оң нәтиже бере алғандығына бізде қуаныштымыз. Бұл бастамамыздың жалғасы әлі де алда!

Педагог –ұйымдастырушы:       А.М.Карипова