08
октябрь
2021
Т. Рүстембеков» КММ-де мектеп табалдырығын алғаш аттаушы 16 бала мен ата-аналардың қатысуымен «Қош келдің әліппе!» атты салтантты жиын өткізілді.
Барлық санитарлық талаптар сақталған, дәстүрлі форматта өткізілген шара болды. 1-cынып оқушыларына жүрек жарды ақ тілектерін жаудырып, алдағы өмірлеріне ақжол тіледі. Өз кезегінде балапандар да өздерінің білім, мектеп, ұстаз туралы тақпақтары мен өлеңдерін айтты. Тәуелсіз еліміздің жас ұрпағы саналы да білімді азамат, өмірдің барлық саласында да белсенді, рухани тәрбиені бойына сіңірген, өз Отанына жанашыр азамат етіп тәрбиелеуде мектептің орны зор десек, ал оның негізін қалаушы- бастауыш сынып. Ең ерекше айта кетерлік жайт, мектебіміздің қайта жаңғыртылып жұмыс жасағалы бергі алғашқы қоңырауы да дәл осы күні соғылды. Сондай-ақ шара соңында 1-сынып оқушыларына биылғы жаңа оқу жылының ауыз толтырып айтарлық жаңалықтарының бірі «Әліппе» кітабы сыйға тартылды. Ұлт ұстазы Ахмет Байтұрсынұлының әдістемесіне негізделген “Әліппенің” негізгі мақсаты өзгермеген. Ол – баланы оқуға және жазуға үйрету. Алдағы уақытта осы оқулықтың балдырғандардың әріп танып, қабілетін шыңдауда оңай әрі ұғынықты болатыны сөзсіз.