Мектепке жол-2020» акциясын өткізу туралы АҚПАРАТ

Т.Рүстембеков орта мектебінің

республикалық «Мектепке жол-2020»

акциясын өткізу туралы

АҚПАРАТ

2020- 2021 оқу жылы

Мектебіміз бойынша жалпы республикалық «Мектепке жол» акциясы өткізілуде.

Акция мақсаты: аз қамтылған және көп балалы отбасынан шыққан оқушыларға, жетім балаларға, сондай-ақ оқу жылының басына дайындық уақыты кезінде ата-аналарының қамқорлығынсыз қалған балаларға қолдау көрсету болып табылады.

Мемлекеттен мектебіміздегі АСП алатын отбасы балаларына көмек көрсетілді. Директордың тәрбие ісі жөніндегі орынбасары Карипова А.М., әлеуметтік педагог Сабиржанова Ж.Р., және ата- аналар комитетінің төрайымы Қамбарова Сәуле мектеп құралдарының сапасын тексеріп, қабылдап алды. 19 оқушыға мектепке қажетті сөмке мен кеңсе тауарлары берілді. Өздеріне арналған тауарларды көргенде, оқушыларымыз қуаныштарын жасыра алмады.

Т.Рүстембеков орта мектебінде 1-ші шілдеден 30-шы қыркүйекке дейін оқушылардың үйіндегі тұрмыстық-материалдық жағдайлары қарастырылып, осы акция аясында аз қамтамасыз етілген отбасылар мен көпбалалы отбасылардан шыққан балалар, Қамқоршылық кеңес мүшелері көмек көрсету барысында жетім балалар, ата-анасының қамқорлығынсыз қалған 20 оқушыға кеңсе тауарлары 43 000 мың сомма көлемінде көмек көрсетілді.

Сонымен қатар Қамқоршылық кеңес мүшелері атынан 18 000 мың көлемінде "модем" роутер сыйлыққа берілді.

Қазақтың жақсы қасиеттерінің асылы - жомарттық, кеңпейілділік. Ол адамға қызмет қылып, жақсылық жасауға пейілді жанға тән сипат. Жомарт болу - өзіңде барды зәру адаммен шын жүректен бөлісу. Қамқоршылық кеңестің мүшесі Мансуров Төлеген ағамыз 4 оқушыға туфли сыйға тартты. Оқушыларымыз білім алуға үлкен құлшыныспен кірісті.

Биылғы жылы акция әлеуметтік бағыттағы «Менің таңдауым – балаларға көмек көрсету!» атты ұранмен өткізілді.