Ескелді ауданындағы Т.Рүстембеков атындағы орта мектебі террористік іс-қимылдар жасауға тиімді нысандар қатарына жатады. Мектепте арнайы террористік іс-қимылдарға қарсы шаралар жүргізілетін штаттық лауазымдық орын жоқ.
Ескелді ауданындағы Т.Рүстембеков атындағы орта мектебі террористік іс-қимылдар жасауға тиімді нысандар қатарына жатады. Мектепте арнайы террористік іс-қимылдарға қарсы шаралар жүргізілетін штаттық лауазымдық орын жоқ.
Азаматтық қорғаныс іс-жоспарына сай тоқсанына бір рет жаттығұлар өтіледі.(негізінен қауыпты жерден тез арада көшіру). Көбінесе табиғи төтенше жағдайларда және техногендік апаттардағы іс-қимылдарға жаттығулар жасалады. Мектебімізде «Терроризм актілері және өзге де төтенше жағдайлар жайындағы қауіп-қатер іс-әрекет алгоритмі» атты стенд бар.
І жартыжылдықта 1-11 сыныптар бойынша терроризм тақырыбына арналған сынып сағаттары, сауалнама, сурет көрмесі, шығарма байқаулары өткізілді .
Мектепте бір телефон орнатылған (директордың бөлмесінде), аудан облыс мекемелерімен байланысуға болады.
Мектептің күзет жұмысы кешкі сағат 20.00-ден таңғы сағат 8.00-ге дейін жүзеге асырылады. Күзет 3 ауысыммен белгіленген.
Оқыту-тәрбиелеу жұмыстары кезінде, оқытушылар және тех.жұмысшыларымен жұмыс жүргізу барысында қажетті методикалық әдістемелік құралдар мүлде жетіспейді. Әзірге мектепте ешқандай төтенше оқиғалар, «қоңырау» шалушы оқиғалары кездескен жоқ.
Осы тақырыпта арнайы ұйымдастырылған курстар, үйрену жаттығулары мен білікті мамандардың кеңестері, баяндамалары мен кездесулерін көбірек жүргізуді ойластырған жөн сияқты.
Мектепте 10-сынып оқушылармен «Терроризм – адамзаттың қасіреті» тақырыбында ақпараттық танымдық және тәрбиелік сипаттағы шара өткізілді. Мақсаты: оқушыларға терроризм туралы терең түсінік беру, себептері мен зардаптарын ұғындыру және бейбітшіліктің маңызын және мейірімділік пен ізгіліктің, адамдарға жақсылық жасай білудің өмірдегі басты ұстанымы екенін ұғындыру.
Оқушыларды тақырыпқа сай мәліметтермен таныстырып, терроризм түсінік берілді. Слайд арқылы көрсетілген мәліметтер бойынша мағлұматтар алып, өз пікірлерімен бөлісті.
Терроризм туралы бейнематериалдар көрсетіліп, оқушылар терроризм мәселесін және оның алдын алу шараларын ұйымдастыру факторларын талқыға салды. Шара барысында ғаламтордағы бейнематериалдардан жастардың бойындағы діни агрессия, ойланбастан қан төгуге, тіпті өзінің өмірін қиып жіберуге дайын тұрған жастардың ісін дұрыс еместігін түсіндірді. Оқушылар да белсенділік танытып, сұрақтарын қойып, пікірлерін білдірді. Пән мұғаліміне оқушылар тарапынан сұрақтар қойылып, ой бөлісті.
